Əfqanıstanda ağır yağışların səbəb olduğu torpaq sürüşməsi nəticəsində yüzlərlə insan itkin düşüb.
Fəlakətlərin Menecmenti Təşkilatının rəhbəri Daim Kakarın bildirdiyinə görə, Bədəxşan vilayətində xilasetmə əməliyyatları aparılır. 300-dən artıq ev palçıq altında qalıb. 350 adam ölüb.
2 min əhalisi olan Əbi-Barik kəndində 700 adamın həlak olduğu təxmin edilir.
Vertolyotlar və xilas dəstələri insanların axtarışını aparır.
Yüzlərlə insan evakuasiya edilib.
Ötən həftə daşqınlar səbəbi ilə Əfqanıstanın Cazyan, Fəryab, Sari-Pul və Bədgiş vilayətlərində 95 adam həyatını itirmişdi.