Türkiyənin xarici işlər naziri Mevlut Çavuşoğlu deyib ki, əgər ABŞ onun ölkəsinə sanksiya tətbiq etsə, cavabını alacaq.
NATO üzvü olan Türkiyə Rusiyadan S-400 raketdən müdafiə sistemləri alır. Türkiyənin NATO-dakı müttəfiqləri bunu yolverilməz sayır.
ABŞ Ankaraya xəbərdarlıq edib ki, ən müasir F-35 təyyarələrini ona satmaqdan əl çəkə bilər.
Çavuşoğlu bildirib ki, təyyarələrin satışı baş tutmazsa, Ankara bunun qarşılığında cavab tədbiri görəcək.
Gələn həftə Çavuşoğlu rəsmi səfərlə Vaşinqtona yollanacaq.