Bu il Amerikada həlak olan polis işçilərinin sayı kəskin şəkildə artıb. Milli Hüquq-Mühafizə İdarəsinin Memorial Fondunun hesabatında deyilir ki, 2010-cu ildə 160 polis zabiti dünyasını dəyişib. Bu, 2009-cu illə müqayisədə 37 faiz çoxdur. 59 polis işçisinin atışmalar zamanı, 73-nün isə avtomobil qəzaları nəticəsində həlak olduğu deyilir. Qalanlarının ölümünə işlə bağlı xəstəliklər, suda boğulmalar və yıxılmalar səbəb olub.