Bakıda gecə klubunda partlayışda xəsarət alanlardan daha bir nəfər vəfat edib. Bununla partlayış nəticəsində ölənlərin sayı 3 nəfər olub.
Tibbi Ərazi Bölmələrini İdarəetmə Birliyinin (TƏBİB) mətbuat xidmətininin məlumatnda deyilir ki, sonuncu vəfat edən şəxs Gülbala Abdullayevdir.
TƏBİB bildirib ki, Gülbala Abdullayev müalicə aldığı özəl tibb müəssisəsində dünyasını dəyişib. Onun vəziyyəti kritik ağır olaraq qiymətləndirilirdi.
Aprelin 3-də Bakının mərkəzində gecə klubunda baş verən partlayış nəticəsində 3 nəfər ölüb, 36 nəfər yaralanıb. Bundan başqa, 14 avtomobil, 1 mənzil və 2 qeyri yaşayış obyektinə ziyan dəyib.