Ukrayna ordusunun məlumatına görə, atəşkəs razılığının əldə edilməsinə baxmayaraq, keçən gün ərzində 11 əsgər həlak olub. Ukraynanın şərqində aparılan qızğın döyüşlərdə 40 nəfər yaralanıb.
Ukrayna, Rusiya, Fransa və Almaniyanın liderləri Belarusun paytaxtı Minskdə 16 saat davam edən danışıqlardan sonra atəşkəsin fevralın 15-də qüvvəyə minəcəyini elan ediblər.
Rusiya prezidenti Vladimir Putin münaqişə bölgəsindən ağır silahların çıxarılması da daxil edilməklə, əsas məsələlər barədə razılığın əldə edildiyini bildirib.
Rusiya tərəfdarı separatçılar da razılığı qəbul edib.
BMT-nin baş katibi Ban Gi Mun razılığı alqışlayıb.
Fransa prezidenti Fransua Olland deyib ki, atəşkəsə riayət edilməsi siyasi həll yolu ola bilər.
Ağ Ev razılığı sülhə doğru mühüm bir addım kimi dəyərləndirib.