Birləşmiş Ştatlar paytaxtı Vaşınqtonda azərbaycanlı kino-rejissor Şamil Nəcəfzadənin filmləri nümayiş etdirilir. Birləşmiş Ştatlarda fərqli günlərdə rejissorun `Üfüqü Ötənlər`, `Bəşəriyyətin Beşiyi`, `Dad Yaddaşı` və `Miras`sənədli filmləri, o cümlədən 2008-ci ildə xarici filmlər arasında Oskar mükafatına nominasiya edilmiş `Qala` adlı bədii filmi nümayiş etdirilib.
Amerikanın Səsinə müsahibə verən kino-rejissor Şamil Nəcəfzadə `Qala` filminin Vaşınqton şəhərində tamaşaçılar tərəfindən çox maraqla qarşılandığını qeyd etdi. Filmin sujetindən söhbət açan rejissor çəkiliş qrupunun ucqar bir kənddə tarixi film çəkən zaman həmin filmdə baş verən hadisələrin gerçək həyatda öz əksini tapdığını dedi.
Daha sonra kino-rejissor Şamil Nəcəfzadə Azərbaycanda cəkilmiş filmləri nümayiş etdirmək üçün imkanların yaradılmasının vacibliyini vurğuladı. Rejissor çəkilən filmlərin köməyi ilə Azərbaycan mədəniyyətini nəinki, Azərbaycan vətəndaşı, eyni zamanda xarici tamaşaçıya tanıtmağın mühüm olduğunu bildirdi.
Your browser doesn’t support HTML5
Kino-rejissor Şamil Nəcəfzadə Vaşınqtonda nümayış edilən filmləri haqda danışır
