Honq Konq fotolarda: 1997-2017

Honq Konqun 156 illik Britaniya müstəmləkəçiliyindən sonra Çinə qaytarılmasını nümayiş etdirmək məqsədilə Çin ordusu əsgərləri ölkənin bayrağını qaldırırlar. Honq Konq, 1 iyul, 1997.

Kiçik sərmayəçi Honq Konq bankının içində səhmlərin qiymətlərini izləyir. Honq Konq, 1 dekabr, 1998. 2008-ci ilin avqustunda şəhəri iqtisadi böhrandan xilas etmək məqsədilə Honq Konq 15 milyard dollar sərf edir.

Yas mərasimi iştirakçısı SARS virusuna tutulmamaq üçün maska geyinib. Honq Konq. 22 may, 2003. Honq Konq Ümumdünya Səhiyyə Təşkilatı tərəfindən elan edilən epidemiyanın ən çox yayıldığı şəhər idi.

Honq Konqun maliyyə mərkəzində, Kraliçanın adını daşıyan limanda etirazçılarla polislərin qarşıdurması. 1 avqust, 2007. 2007-ci ildə Çin höküməti müstəmləkə dövründən qalan tarixi yerləri yığışdırmaq təşəbbüsü irəli sürmüşdü. Bu, yerli fəalların hiddətinə səbəb olmuşdu.

Daşınmaz əmlakın qiymətinin sürətlə artımı nəticəsində minlələ Honq Konq sakini kiçik “qəfəs evlər”ə köçmək məcburiyyətində qalıblar. 16 iyul, 2008.

Fəallar Honq Konqun Viktoriya parkında şam yandırırlar. 4 iyun, 2009. Bu yolla onlar Pekinin Tyanmen meydanında öldürülən minlərlə demokratiya fəalını yad ediblər.

Nümayişçiləri sakiləşdirmək üçün Üsyan Polisinin istifadə etdiyi gözyaşardıcı qazın atılmasından sonra etirazçılardan biri çətirlər qaldırır. 28 sentyabr, 2014. Kütləvi etirazlar zamanı Honq Konq liderinin demokratik seçkilər vasitəsilə seçilməsi tələb olunurdu. Çətirlər həmin etirazların rəmzi idi.

Honq Konq azarkeşləri “Honq Konq Çin deyil” şüarı qaldırırlar. 17 noyabr, 2015. Bu foto 2018 Dünya Kuboku seçmə mərhələsi zamanı Honq Konq və Çin arasında keçirilən oyun zamanı çəkilib.

Honq Konqun Monq Kok ərazisində polis etirazçını həbs edir. 9 fevral, 2016. Rəsmilər şəhərin işçi təbəqəsinin yaşadığı ərazidə qeyri-qanuni küçə satışını qadağan edirlər. Bu qarşıdurma 2014 demokratiya nümayişlərindən sonra şəhərdə keçirilən ən sərt etiraz idi.

Honq Konq rəhbəri Kerri Lam Çin prezidenti Şi Tsinpinq ilə görüşür. Lamın inauqurasiyası şəhərin Çinə təhvil verilməsinin 20 illiyi qeyd edilən gün keçirilib. 1 iyul, 2017.