Kapitoliyə hücumdan sonra işini bərpa edən Konqres Baydenin seçkilərdə qələbəsini təsdiqlədi

Birləşmiş Ştatlar Konqresinin üzvləri prezident Donald Tramp tərəfdarlarının Kapitoli binasına hücum etməsindən bir neçə saat sonra demokrat Co Baydenin noyabr prezident seçkilərində qələbəsini sertifikatlaşdırıb.  Həm Demokrat, həm Respublikaçı qanunvericilər gecə yarı işini bərpa etmiş sessiyada prezident seçilmiş Co Baydenin qələbəsini sertifikatlaşdırmağa söz verərək Konstitusiya borclarını yerinə yetirib. Konqres Baydenin qələbəsini təsdiqləyəndən sonra prezident Tramp "seçkilərin nəticəsi ilə tamamilə razılaşmadığını” bildirsə də, yanvarın 20-də hakimiyyətin intizamlı şəkildə keçidini həyata keçirəcəyinə söz verib.