ABŞ prezidenti Barak Obama bildirib ki, Birləşmiş Ştatların başçılıq etdiyi koalisiya qüvvələri İslam Dövləti qrupuna qarşı döyüşməyə davam edəcək.
ABŞ Mərkəzi Kəşfiyyat Agentliyinin Virciniya ştatında yerləşən baş qərargahında danışan prezident deyib ki, minlərlə hava hücumu minlərlə döyüşçünü və onların liderlərini zərərsizləşdirib.
Obama bildirib ki, gələcək günlərdə koalisiya qüvvələri daha çox İŞİD hədəflərini vurmağı planlaşdırır.
Prezident İŞİD-i məğlub etməyin yeganə yolunun Suriyada vətəndaş müharibəsinə son qoymaqdan keçdiyini dəfələrlə təkrarlayıb.