Pakistan polisinin bildirdiyinə görə, ölkənin şimal-qərb bölgəsində şiə məscidinə hücum azı 19 nəfərin ölümünə, 60 nəfərin yaralanmasına səbəb olub.
Partlayışlar və silahlı hücum Pişəvədrəki məscidə insanların axşam namazına toplaşdığı vaxt baş verib. Bu hadisə Pakistanda artmaqda olan təriqətlərarası zorakılıqlardan sonuncusudur. Hücumun məsuliyyətini Pakistandakı Taliban üzərinə götürüb.
Bügünkü hücum Paksitanın çənub Şikərpur bölgəsindəki şiə məscidində 60 nəfərin ölümü ilə nəticələnən bomba hücumundan iki həftə sonraya təsadüf edir. Bu məscidə hücumun məsuliyyətini isə Pakistandakı Talibandan ayrılmış sünni Cindulla qrupu üzərinə götürmüşdü.