Suriya prezidenti Bəşar əl-Əsəd ABŞ-ın qəzetinə müsahibədə Misir və Tunisdə baş verən etiraz nümayişlərinin Yaxın Şərqdə yeni eranın başlanğıcı olduğunu bildirib.
Bazar ertəsi `Wall Street` jurnalında nəşr edilən müsahibədə Cənab Əsəd deyib ki, ərəb hökumətləri insanlarının siyasi və iqtisadi arzularını təmin etməlidir. Prezident Suriyada vəziyyətin sabit olduğunu və ölkə liderlərinin insanlara yaxın olmasının vacibliyini vurğulayıb.
O deyib ki, hökumətlə vətəndaşlar arasında fikir ayrılığı iğtişaşlara səbəb olur. O eyni zamanda, hakimiyyətə gəldiyi dövrdə Suriyada siyasi islahatların onun ehtimal etdiyi kimi tez baş vermədiyini bildirib.Suriya prezidenti bələdiyyə seçkiləri keçirmək, qeyri-hökumət təşkilatlarını gücləndirmək və mətbuat sahəsində yeni qanunlar hazırlamaq üçün bu il siyasi islahatların aparılmasını planlaşdırır.
Cənab Əsəd 2000-ci ildə atasının ölümündən sonra onu hakimiyyətdə əvəz edib. Prezident Hafiz əl-Əsəd Suriyanı 30 il idarə edib.