Bakı sakinləri Amerika siyasətinin regionda uğurlu olacağını düşünmür
Noyabrın 8-də Amerikada prezident seçkiləri keçiriləcək.
Prezidentliyə namizədlər demokrat Hillari Klinton və respublikaçı Donald Trampın xarici siyasətlə bağlı çıxışlarında Müstəqil Dövlətlər Birliyi (MDB) və Yaxın Şərq böhranı mühüm yer tutur.
Amerika seçkilərinin Azərbaycan və Cənubi Qafqaz regionuna təsirləri necə olacaq?
Amerikanın Səsinin müxbirləri bu sualla paytaxt Bakının mərkəzi küçələrində insanlardan qısa video müsahibələr götürüb.
Sakinlər ABŞ-da formalaşacaq yeni administrasiyanın regiona təsirlərinin mühüm dəyişikliyə səbəb ola bilməyəcəyini, Dağlıq Qarabağ münaqişəsinin həllinə təkan verməyəcəyini düşünür.