Hindistan rəsmiləri ölkənin Mumbay şəhərində azı 17 nəfəri öldürən və 133 nəfəri yaralayan silsilə bomba partlayışlarını törətməkdə hansısa qrupu ittiham etməyin hələ tez olduğunu deyirlər. Hindistan naziri P Çidanbaram polisin bir sıra qrupların fəaliyətini araşdırdığını bildirib. O, deyib ki, Hindistan kəşfiyyatı hadisə barədə əvvəlcədən məlumat əldə etməyib və hadisəyə dair məsuliyyəti heç bir qrup öz üzərinə götürməyib.