Accessibility links

Ilham Əliyev: Azərbaycan təcrübəsini Əfqanıstanla bölüşməyə və sərmayə layihələrində iştiraka hazırdır


İlham Əliyev NATO-nun Uelsdə keçirilən sammitinin Əfqanıstan üzrə görüşündə çıxış edib

İlham Əliyev NATO-nun Uelsdə keçirilən sammitinin Əfqanıstan üzrə görüşündə çıxış edib

İlham Əliyev NATO-nun Uelsdə keçirilən sammitinin Əfqanıstan üzrə görüşündə çıxış edib

Azərbaycan prezidenti İlham Əliyev NATO-nun Uelsdə keçirilən sammitinin Əfqanıstan üzrə görüşündə çıxış edib.

AzərTAc-ın məlumatına görə, dövlət başçısı bəyan edib ki, Azərbaycanla NATO arasında tərəfdaşlığın 20 ili ərzində ölkəsi alyansın bir çox fəaliyyət sahəsinə töhfə verən etibarlı tərəfdaşına çevrilib.

O, çıxışında Azərbaycan ərazisinin 20 faizini, - Dağlıq Qarabağ və 7 ətraf rayonu işğalda saxlayan Ermənistanın siyasətini bir daha xatırladıb.

“Ermənistan azərbaycanlılara qarşı etnik təmizləmə siyasəti həyata keçirib və bunun nəticəsində 1 milyondan artıq insan qaçqın və məcburi köçkün vəziyyətinə düşüb.

BMT Təhlükəsizlik Şurasının 4 qətnaməsi Ermənistan qoşunlarının işğal edilmiş ərazilərdən dərhal və qeyd-şərtsiz çıxarılmasını tələb edir.

Əfsuslar olsun ki, Ermənistan onlara məhəl qoymamaqda davam edir və münaqişə həll olunmamış qalır. Münaqişə beynəlxalq hüquq normaları və Azərbaycanın ərazi bütövlüyü əsasında həll edilməlidir.


Biz NATO-nun bu məsələ ilə bağlı mövqeyini və əvvəlki sammitlərdə Azərbaycanın ərazi bütövlüyü və suverenliyinə verdiyi tam dəstəyi yüksək dəyərləndiririk. Biz qətiyyətlə inanırıq ki, NATO-nun beynəlxalq hüququn bu cür mühüm hissəsinə sadiqliyi bundan sonra da davam edəcək. Beləliklə, o, ədaləti bərpa etməyə və beynəlxalq səviyyədə tanınmış sərhədləri güc hesabına dəyişmək kimi səhv düşüncədən yayındırmağa birmənalı şəkildə yardım edir”.

Bununla belə İlham Əliyev çıxışında Azərbaycanın Əfqanıstanda uzunmüddətli inkişafın təmin edilməsi üçün hərtərəfli töhfə verdiyini bildirib.

Azərbaycanın bu sammitin bütün üç sahəsinə töhfə verən NATO-nun 5 tərəfdaşından biri olduğunu bildirən Azərbaycan prezidenti ölkənin hərbi kontingentinin ilkin vaxtlardan İSAF qüvvələrində xidmət etdiyini xatırladıb.

“Azərbaycanın müxtəlif akademiyalarında Əfqanıstanın hüquq mühafizə və hökumət rəsmiləri üçün geniş təlim proqramları həyata keçirilir. Əfqanıstanın Milli Ordusunun Qəyyumluq Fonduna 3 milyon avro keçirilib, digər 1 milyon isə istehkam əməliyyatlarına sərf olunub. İSAF qüvvələri üçün məhvetmə gücünə malik olmayan malların tranzitinin 40 faizi Azərbaycan tərəfindən təmin edilir.

Bundan əlavə, gələcəkdə iştirak edəcəyimiz “Qətiyyətli dəstək” əməliyyatı üçün mühüm tranzit imkanları yaradacaq Bakı-Tiflis-Qars dəmir yolu xəttinin çəkilməsi gələn bir neçə ay ərzində başa çatdırılmalıdır.

Xəzər regionunda ən böyük Azərbaycan Beynəlxalq Dəniz Limanı ilə birgə bu dəmir yolu xətti həm bütün region, həm Əfqanıstan üçün böyük ticari və iqtisadi imkanlar açacaq.

Bu, Uzaq Şərq ilə Avropanı birləşdirən marşrutun tam mərkəızində yerləşən Əfqanıstana iqtisadi inkişaf verə bilər. Müstəqilliyin ilk illərində durğunluq və böhrandan davamlı sabitlik və surətli iqtisadi artıma keçmiş ölkə kimi Azərbaycan öz təcrübəsini Əfqanıstan ilə bölüşməyə və həmin ölkədə müxtəlif yenidənqurma və sərmayə layihələrində iştirak etməyə hazırdır”, İ.Əliyev vurğulayıb.

XS
SM
MD
LG