“Mən mahnılarımı barış və xalqların qardaşlığı üçün oxuyuram, onları savaş və köçlərin sovurduğu həyatlara ithaf edirəm,” deyə Türkiyədə yaşayan güneyli müğənni Ramin Fərhəngniya Amerikanın Səsi ilə söhbətində bildirir. Əslən Ərdəbil şəhərindən olan sənətçi müsahibədə İran və Azərbaycan Respublikasında musiqi üzrə apardığı təhsil illəri və öz sənət fəaliyyəti xüsusilə Türkiyədə buraxdığı iki musiqi albomu haqda danışıb.