Türkiyədə mühacirətdə yaşayan güneyli fəal Yaşar Əsədi Amerikanın Səsi ilə söhbətdə son həftələrdə İran Azərbaycanında baş verən insan haqları pozuntuları, siyasi məhbuslar və yeni nəzarətə alınmış türk fəalların durumunu şərh edib. Günaz TV-nin əməkdaşı həbslər və güneyli fəallara qarşı çıxarılan məhkəmə hökmlərindən əlavə Uyğur türklərinə dəstək mitinqlərinə qatılanlara polis zorakılığı, eləcə də müvəqqəti azadlıqda olan fəalların məhkəməyə qoyduqları yüksək məbləğdə zəmanətlər nəticəsində üzləşdikləri çətinliklər haqda danışıb.