Prezident Barak Obama Kubaya tarixi səfəri zamanı Kuba xalqına birbaşa müraciətində demokratik islahatların keçirilməsinə çağırıb və iki ölkə arasında münasibətlərin əhəmiyyətini vurğulayıb. Son 88 ildə Kubaya səfər edən ilk Amerika prezidenti olan Barak Obama deyib ki, Birləşmiş Ştatlar və Kuba soyuq müharibə dövrünün fikir ayrılıqlarını bir tərəfə qoyub, hər iki ölkənin rifahı naminə yeni gələcəyə doğru addımlamalıdır.