NATO-nun baş katibi Jens Stoltenberq Azərbaycanla Ermənistanı gərginliyin artmasına yol verməməyə və danışıqları bərpa etməyə çağırıb.
Bu çağırış J. Stoltenberqin Ermənistan prezidenti Serj Sarkisyanla görüşündə səslənib. Bu barədə NATO-nun saytında bildirilir.
“Biz Dağlıq Qarabağ münaqişəsini müzakirə etdik. Gərginliyin artmasından qaçmaq lazımdır. Biz Ermənistanla Azərbaycanı danışıqlar masasına dönməyə çağırırıq”, J.Stoltenberq görüşdən sonra bildirib.
O qeyd edib ki, NATO ATƏT-in Minsk Qrupunun səylərini dəstəkləyir.