Növbə gözləmək, riskə hazır olmaq və qaydalardan kənara çıxmamaq kimi vərdişləri insan oyunlar oynamaqla öyrənə bilər. Misal olaraq, dostlarla oturub, kiçik fiqurları hərəkət etdirdiyimiz köhnə masaüstü oyunları göstərmək olar. Bu oyunların əksəriyyətində yalnız bir qalib olur, digərləri isə məğlubiyyəti qəbul etmək məcburiyyətində olurlar. Amma yeni oyunlar var ki, qələbəni yalnız birlikdə qazanmaq olar. Burada, masa ətrafındakı yoldaşlarında əməkdaşlıq etməsən məğlub olacaqsan.