Prezident Donald Trampın ABŞ hərbi qüvvələrinin Suriyadan çıxarılması haqda qərar verdiyinə dair mesajı Vaşinqtonda bir çoxları tərəfindən şok kimi qarşılanıb. Bu, Birləşmiş Ştatların xarici siyasətində bu il ən mühüm dəyişikliklərdən birindən xəbər verir. Tramp eyni zamanda, İslam Dövləri qrupuna qarşı mübarizənin başa çatdığını elan edib. ABŞ rəsmiləri bu dəyişikliyin səbəbini izah etməyə çalışdığı zaman bir çox ekspertlər qərarın mümkün nəticələri ilə bağlı suallar qaldırır.