Bu gün duz bizə əlçatan olsa da, bir neçə əsr əvvəl insanlar duz qıtlığından xəstələnərək ölübmüş. Qəbələ rayonu, Vəndam kəndi sakinlərinin inancına görə, kənddə “Şitlik məzarlığı” adlanan yer var ki, orada “şitlikdən” ölən insanların məzarları yerləşir. Ən maraqlısı isə odur ki, sakinlər oranı müqəddəs yer kimi hesab edirək, o ərazini qoruyurlar. Lakin, kənd sakini, tarix müəllimi Aslan Dəmirov hesab edir ki, bu tarixi fakt diqqətdən kənarda qalıb. O deyir ki, bu məkana tarixçi alimlər cəlb olunmalıdır və tətqiqat işləri aparılmalıdır.