Yetkinlik yaşına çatmayan şəxsi öldürməkdə təqsirləndirilən İlkin Süleymanovun yaxınları fevralın 2-də Baş Prokurorluğun qarşısında həbs müddətinin uzadılmasına etiraz olaraq etiraz aksiyası keçiriblər. Qohumları hesab edir ki, İlkin Süleymanov günahsızdır, istintaq obyektiv aparılmayıb, ittihamlar sübuta yetirilməyib. Şikayətçilər Baş prokurorun qəbuluna düşmək istəyib, amma onları Ağır Cinayətlərə dair istintaq idarəsinin rəisinin qəbuluna yönləndiriblər. Onlar saat 18:00-dək bu qurumda olublar.