8 Mart - iqtisadi, ictimai və siyasi bərabərlik uğrunda mübarizədə qadınların beynəlxalq həmrəylik günüdür. Beynəlxalq Qadınlar Gününün bayram edilməsi Klara Setkinin təklifi ilə 1910-cu ildə sosialist qadınların 2-ci Beynəlxalq konfransında (Kopenhagen) qərara alınıb. Bu gün müxtəlif ölkələrdə fərqli qeyd olunur. Paytaxt Bakıda hədiyyə mağazalarında növbələr, müştəri sıxlığı yaranıb. Qadınlara ən çox verdiyi hədiyyələr arasında ətirlər və gül buketləri üstünlük təşkil edir. Şəhər sakinləri gülə tələbatın artığı bayramda bəzi gül salonlarında qiymətlərin artdığını desələr də, satıcılar bu fikirlərlə razı deyillər.