Aprelin 6-da bir qrup vətəndaş Prezident Adminstrasiyasının qarşısında toplaşıb. Onlar Bakının Nəsimi rayonu Mövsüm Sənani 13/15 ünvanında yerləşən "Konstra" MTK və "Orxan TİT" MMC şirkətlərindən şikayətçi olduqlarını bildiriblər. Vətəndaşlar deyir ki, hazırda bu məsələ ilə bağlı 150-yə yaxın zərərçəkən var. Şikayətçilər deyirlər ki, məsələ ilə bağlı aidiyyəti dövlət qurumlarına müraciət etsələr də, şikayətlərinə baxılmır. Ərazidəki polis əməkdaşları pandemiya ilə əlaqədar Prezident Administrasiyasında qəbulun olmadığını və vətəndaşlara Baş prokurorluğa müraciət etmələrini bildirib.