Aprelin 19-da "Sovetski" adlanan ərazinin keçmiş sakinləri Nazirlər Kabinetinin qarşısında toplaşıb. Onlar Yasamal rayon icra hakimiyyəti tərəfindən ödənilməmiş kompensasiyaların ödənilməsini tələb edib. Sakinlər evlərindən zorla çıxarıldıqlarını, alqı-satqı müqaviləsini bağlamağa məcbur edildiklərini, verilən kompensasiyanın az olduğunu və torpaq pulları onlara hələ də ödənilmədiyini bildirir. Etirazçılar bu günə qədər aidiyyəti dövlət qurumlarına müraciət etsələr də, şikayətlərinə baxılmadığını bildiriblər. Onlar tələbləri yerinə yetirilənədək etirazlara davam edəcəklərini deyirlər. Daha sonra 4 nəfər Nazirlər Kabinetinin əməkdaşları tərəfindən qəbul edilib.