İyunun 1-də bir qrup Qarabağ müharibəsi iştirakçısı Əmək və Əhalinin Sosial Müdafiə Nazirliyi qarşısında etiraz edib. Onlar bildirib ki, müharibədən qayıtdıqdan sonra iş tapmaqda çətinlik çəkirlər. Müharibə iştirakçılarının sözlərinə görə, iş üçün müraciət etdikləri yerlərdən müsbət cavab ala bilmirlər. Onlar qurumun etinasız münasibətindən narazılıq ediblər. Əmək və Əhalinin Sosial Müdafiəsi Nazirliyinin İctimaiyyətlə Əlaqələr və Kommunikasiya Şöbəsinin müdiri Fazil Talıbov Amerikanın Səsinə bildirib ki, hər 6 nəfərin şikayəti dinlənilib və onların işlə təmin edilməsi həyata keçiriləcək.