2018-ci ildən Gəncədə 20 hektardan çox ərazini əhatə edən Gəncə Grand Qafqaz ticarət kompleksi fəaliyyətinə başlayıb. Burada həm kənd təsərrüfatı məhsullarının, həm də sənaye mallarının topdan və pərakəndə satışı təşkil edilir. Bir neçə il əvvələ qədər Gəncənin mərkəzində sovetlər dönəmində Kolxoz bazarı kimi tanınan bazar fəaliyyət göstərirdi. Bu bazar müəyyən səbəblərdən ləğv edilərək mərkəzdən şəxsi maşınla 6-10 dəqiqəlik məsafədə yerləşən Gəncə Grand Qafqaz ticarət kompleksinə köçürülüb. Bəs köhnə kolxoz bazarın köçürülməsi satıcılara və alıcılara nə qədər sərf edib?