Terrorçuluqda ittiham olunan şəxslərin Apellyasiya məhkəməsi keçirilib
İyulun 27-də Bakı Apelyasiya Məhkəməsində terrorçuluqda ittiham olunanlarla bağlı məhkəmə prosesi keçirilib. Məhkəmədə vəkillərin verdiyi vəsatətlər qəbul edilməyib. Təqsirləndirilən şəxslərin yaxınları bunu etirazla qarşılayıb. Onlar Bakı Apelyasiya Məhkəməsinin önündə avtobusun qabağını kəsiblər. Yaxınlarının sözlərinə görə, təqsirləndirilən şəxslər əsassız olaraq həbs edilib. Növbəti məhkəmə prosesi avqustun 5-i saat 15:00-a təyin edilib. Mayın 4-də Bakı Ağır Cinayətlər Məhkəməsinin hökmü ilə Samir Qurbanov 8 il, Amin Həsənov, Əflatun Bayramov və Babək Məmmədli 7 il, Tehran Qasımov 5 il, Cavid Amanov, Elgün İsmayılov, Ələddin İbişov, Yusif İmanov, Orxan Qurbanov, Şəhriyar Cabbarov hər biri 2 il yarım müddətinə azadlıqdan məhrum ediliblər. Onlar Cinayət Məcəlləsinin qanunsuz olaraq dini təyinatlı ədəbiyyatın istehsalı, idxalı, yayılması, dini ekstremist ədəbiyyatın qanunsuz dövriyyəsi, terrorçuluq və cinayətkar təşkilat yaratma maddələri ilə təqsirləndirilirlər. Bu proseslə bağlı məhkəmədə təqsirləndirilən şəxslər həbslərinə etiraz olaraq məhkəmə zalında özlərinə xəsarətlər yetiriblər.
Episodes
-
Oktyabr 21, 2024
Tramp və Harrisin seçki kampaniyası ritorikası qızışır
-
Oktyabr 21, 2024
Sulutəpə sakinləri "Azərsu" qarşısında etiraz edir
-
Oktyabr 18, 2024
Əl işləri dünyanı gəzən Astaranın sonuncu xalçaçısı