"Küçələrin səsi" gənclərin birləşərək yaratdığı heyvanlara yardım kampaniyasıdır. 2018-ci ildən bəri davam edən Layihəsinin yaradıcısı Şölə Bağırova deyir ki, sahibsiz heyvanların küçələrdə ac-susuz qalması, əksər insanlar tərəfindən işgəncəyə məruz qalması onları bu layihəni gerçəkləşdirməyə sövq edib. Layihənin məqsədi atılmış, yaralı küçə itlərininin qorunması, müalicə etdirilməsi və sahibləndirilməsidir. Sosial şəbəkə vasitəsilə şəbəkələşən gənclərə dövlət dəstəyi olmadığı üçün maddi çətinliklər yaşayırlar. Hazırda itlərin toplaşdığı məkana iki ildir ki, yemək aparırlar. Bundan başqa, onlar, ətraf mühitin qorunması üçün də müxtəlif tipli ekoloji aksiyalar təşkil edirlər.