Bakı İdman Sarayında Milli Kitab Sərgisi keçirilir. Sərginin proqramına kitab satışı ilə yanaşı bir çox digər tədbirlər də daxil edilib. Sərginin təşkilatçısı olan “Qanun” Nəşrlər Evinin rəhbəri Şahbaz Xuduoğlu bildirib ki, bura üz tutan kitabsevərlərin sayı kifayət qədərdir. Xuduoğlunun sözlərinə görə, kitablara ən azı 30-70 % endirim olunub. Milli kitab sərgisində hər kəsin büdcəsinə uyğun müxtəlif məzmunlu kitablar mövcuddur. Milli Kitab Satış Sərgisinin gələcəkdə digər bölgələrdə keçirilməsi də nəzərdə tutulur. Oktyabrın 10-na qədər davam edəcək sərgiyə giriş sərbəstdir.