Oktyabrın 25-də “Səhər” qısa metrajlı filminin nümayişi keçirilib. Filmdə evli cütlüyün səhər yeməyi zamanı münasibətlərindəki boşluqların daha da üzə çıxması ilə bağlı səhnə əks olunub. Qadın anasını ziyarət etmək qərarını bildirdikdə, özünü ailə iyerarxiyasının və cəmiyyət normalarının sərhədləri daxilində sınağa çəkir. Filmin operatoru Oktay Namazov deyir ki, filmin mövzusunda psixoloji zorakılıq əks olunub. Film nümayişindən sonra məişət zorakılığına həsr olunmuş panel müzakirə təşkil olunub.