Şərqi Azərbaycan vilayətinin ədliyyə idarəsinə istinadən, vilayətdə qadınlar və uşaqlara qarşı zorakılıq halları artmaqdadır.
Rəsmi dövlət agetnliyi İRNA-nın xəbərinə görə, Şərqi Azərbaycanın ədliyyə idarəsinin rəsmisi Əhməd Müvəqqəri bu haqda məlumat verib.
Müvəqqəri vilayətdə qadınlar və uşaqlara zorakılıq hallarının narahatedici səviyyəyə çatdığını qeyd edib.
Ədliyyə idarəsinin “sosial məsələlər və cinayətləri önləmə” üzrə sədr müavini Əhməd Müvəqqəri Şərqi Azərbaycanda ümumiyyətlə zorakılıq və şiddət cinayətlərinin yüksək səviyyədə olduğunu ifadə edib.
Beynəlxalq qurumlar və iranlı qadın haqları müdafiəçiləri İran qanunlarının qadınlara qarşı zorakılğa zəmin hazırladığını önə çəkirlər.