İsrailin Negev səhrasındakı Ramon Kraterinin qırmızı və sarı qayalıqları Marsın səthi ilə müqayisə edilir. İndi insanların Marsa səyahətini reallaşdırmağa çalışan elm adamları təcrübələr üçün səhranın dərinliklərindəki mənzərədən istifadə edir. Dünyanın müxtəlif ölkələrindən olan altı astronavt bu yaxınlarda bir ay ərzində Marsa missiyanı imitasiya edərək, kosmik gəmiyə bənzəyən xüsusi yaşayış mühitində qalıb, elmi təcrübələr aparıb və qırmızı planeti xatırladan ərazini tədqiq edib.