Accessibility links

ABŞ Ali Məhkəməsi COVID-ə qarşı peyvənd mandatlarını nəzərdən keçirir


Cümə günü ABŞ Ali Məhkəməsinin prezident Co Bayden administrasiyasının ölümcül koronavirusla mübarizə üçün dövlət qurumları tərəfindən COVID-19 peyvəndi ilə əlaqədar verilən iki qaydaya qarşı şifahi arqumentləri dinləməsi planlaşdırılır.

Ağ Evin mətbuat katibi Cen Psaki verdiyi açıqlamada qaydaların "ölkəmizin COVID-19-a reaksiyası üçün çox vacib olduğunu" deyib.

Nəzərdən keçirilən mandatlar Əmək Təhlükəsizliyi və Sağlamlıq İdarəsi (OSHA) ilə “Medicare və Medicaid” Xidmətləri Mərkəzləri tərəfindən verilib.

OSHA qaydaları 100 və ya daha çox işçisi olan işəgötürənlərin işçilərinin ya tam peyvənd olunmasını və ya həftəlik testlərin keçirilməsini təmin etməsini tələb edir. Federal Medicare və Medicaid fondlarını qəbul edən səhiyyə müəssisələrində çalışan işçilər üçün CMS mandatı işçilərin dini inancları da daxil olmaqla, istisnalar xaric hər kəsin tam peyvənd olunmasını tələb edir.

Respublikaçıların rəhbərlik etdiyi ştatlar, biznes və dini qruplar ittifaqı qaydaların geniş əhatə dairəsi və mandatların şirkətlərə və işçilərə təsirlərinə qarşı çıxır.

Bununla belə, qaydalar Amerika Tibb Assosiasiyası və Amerika İctimai Səhiyyə Assosiasiyası və bir sıra keçmiş federal səhiyyə işçiləri tərəfindən təsdiq edilib.

Bir sıra aşağı instansiya məhkəmələri bu siyasətlə bağlı fərqli rəylər verdikdən sonra şikayət Ali Məhkəməyə təqdim edilir.

COVID-19 ABŞ-da milyonlarla insanın xəstəliyə yoluxması və 800,000-dən çox insanın ölümünə səbəb olub.

Dünyaya Baxış

Dünyaya Baxış. ABŞ dövlət katibi Antony Blinken Ukraynaya rəsmi səfər edib
please wait

No media source currently available

0:00 0:11:56 0:00
XS
SM
MD
LG