Accessibility links

Azərbaycanda koronavirusa yoluxanların sayı sürətlə artır, ölüm halları da çoxalıb


Koronavirus

Son sutka ərzində Azərbaycanda 4943 yeni koronavirus infeksiyasına yoluxma faktı qeydə alınıb, 1581 nəfər müalicə olunaraq sağalıb, 20 nəfər vəfat edib.

Bu barədə Nazirlər Kabineti yanında Operativ Qərargah yanvarın 30-da bildirib.

Son gündə infeksiyaya yoluxanların sayı 625 nəfər artıb, dünən yoluxanların sayı 4268 olub.

Ümumilikdə, ölkədə 656 284 nəfərdə COVID-19-a yoluxma faktı aşkarlanıb, onlardan 624 259 nəfər sağalıb, 8 720 nəfər vəfat edib, 23 305 nəfər aktiv xəstədir.

Son sutka ərzində 14 204 koronavirus testi aparılıb.

Azərbaycanda keçən il fevralın 18-dən vaksinasiya başlayıb.

Bu günə peyvəndlərin ümumi sayı 12 000 749 nəfərdir ki, onlardan 5 230 388 nəfər peyvəndin ilk dozasını, 4 742 169 nəfəri iki dozanı, 2 028 192 nəfəri isə gücləndirici doza alıb.

Mütəxəssislər koronavirus xəstələrinin sayının kəskin artmasını omikron ştamının yayılması ilə şərtləndirir.

Azərbaycanda koronavirus infeksiyasına ilk yoluxma 2020-ci il fevralın 28-də aşkarlanıb. Ölkədə 2022-ci il martın 1-dək xüsusi karantin rejimi tətbiq edilib.

Operativ Qərargahın qərarına görə, 2021-ci il mayın 31-dən Azərbaycanda açıq havada maska taxılması ləğv olunub. Bakı metropoliteninin, şəhərlərarası və rayonlararası sərnişindaşıma fəaliyyəti bərpa edilib.

2021-ci il iyunun 10-dan “Mall” və iri ticarət mərkəzlərinin, idman sağlamlıq obyektlərinin, ibadət yerlərinin fəaliyyətinə icazə verilib.

Bu il yanavrın 24-də koronavirusa yoluxanların karantində qalma müddəti 14 gündən 7 günə endirilib.

Ölkədə 2021-ci il sentyabrın 1-dən COVID-19 pasportu tətbiq edilir.

Dünyaya Baxış

Dünyaya Baxış. Putin Soçidə Ərdoğanla görüşüb
please wait

No media source currently available

0:00 0:12:02 0:00
XS
SM
MD
LG