Accessibility links

ABŞ-da qaradərililərin kollec və universitetləri bomba təhdidləri alıb


Qaradərililərin HBCU kimi tanınan bir neçə tarixi kollec və universitetləri bomba təhdidləri alıb. Bu da hüquq-mühafizə orqanları tərəfindən qapanmalar və araşdırmalara səbəb olub.

Howard Universiteti (Vaşinqton), Cənubi Universitet və A&M Kolleci (Luiziana), Bethune-Cookman Universiteti (Florida), Bowie State University (Marilend), Albany State University (Gorciya) və Delaver State University (Delaver) təhdidləri təsdiqləyib.

CənubiUniversiteti və A&M Kolleci ilkin olaraq bildiriblər ki, "Dərslər ləğv edilib və tələbələr hər şeyə aydınlıq gətirilənə qədər yataqxana otaqlarında qalacaqlar.

Universitetin fəaliyyəti növbəti xəbərdarlığa qədər dayandırılacaq və kampusa giriş bu anda məhdudlaşdırılacaq" - deyə, universitetin saytındakı mesajda bildirilib.

Bu təhsil ocağı daha sonra hər şeyə aydınlıq gətirdiyini və çərşənbə axşamı günü dərsləri və normal fəaliyyətlərini davam etdirəcəyini açıqlayıb.

Xəbərlərdə bildirilir ki, Howardda hadisə yeri "heç bir təhlükəli maddə aşkar edilmədən təmizlənib". Bethune-Cookman, Bowie State və Delaver Ştatları da təmizlənib.


Albany Universitetinin veb saytındakı mesajd, "Hazırda bütün kampuslar, dərslər və universitet əməliyyatları növbəti xəbərdarlığa qədər ləğv edilir." Açıqlamada həmçinin deyilib ki, “İstintaq başa çatdıqdan sonra sizə tam aydın mesaj gələcək”.

FTB-nin Atlantadakı sözçüsü Associated Press-ə deyib ki, “FTB bütün potensial təhlükələri ciddi qəbul edir və onların etibarlılığını müəyyən etmək üçün mütəmadi olaraq hüquq-mühafizə tərəfdaşları ilə işləyir”.

Alkoqol, Tütün, Odlu Silahlar və Partlayıcılar Bürosu və ya ATF də bu fəaliyyətlərdə iştirak edir. Bu, son həftələrdə ikinci dəfədir ki, HBCU-lar bomba təhdidləri alır. Yanvarın əvvəlində bir neçə məktəb təhdid alıb.

Dünyaya Baxış

Dünyaya Baxış. Çin Tayvanı ilhaqı ilə bağlı hədəsini təkrarlayır
please wait

No media source currently available

0:00 0:11:34 0:00
XS
SM
MD
LG