ABŞ prezidenti Co Bayden çərşənbə axşamı ABŞ Konqresinin birgə iclasında ilk müraciətində Rusiya prezidenti Vladimir Putinin Ukraynaya hərbi müdaxiləsini pisləyib və Birləşmiş Ştatların Ukraynaya dəstəyini ifadə edib. Bayden daxili siyasət məsələlərində ölkə naminə hər iki partiyanın dəstəyini təmin etməyə çalışıb. O, pandemiyadan sonrakı iqtisadi bərpaya mane olan artan inflyasiyaya toxunub və Konqresdə hər iki partiyanın dəstəyini qazana biləcəyini söylədiyi “birlik” gündəliyini açıqlayıb.