Accessibility links

Rusiyalı bloger Putini devirmək üçün silahlı müqavimətə çağırır


Məşhur rusiyalı bloqer və uzun müddət Kreml tənqidçisi Dmitri Çernışev deyir: “Hər kəs yuxarıda hansısa bir sui-qəsdlə Vladimir Putinin yaxın adamlarından və ya oliqarxlarından birinin onu öldürəcəyinə ümid edir. Ancaq mənə elə gəlir ki, bu, həll olmayacaq".

Əvəzində 55 yaşlı yazıçı və mühazirəçi rusları qurduğu Milli Müqavimət hərəkatına qoşulmağa çağırır və genişmiqyaslı vətəndaş itaətsizliyini küçə etirazlarından kənara çıxarmağa təşviq edir.

O deyir ki, Rusiya liderini devirmək üçün silahlı müqavimət və təxribat lazımdır. Bu, onu digər Kreml tənqidçilərindən və müxalifət xadimlərindən fərqləndirir, çünki onlar Putinə meydan oxumağa davam etmək üçün irəliyə doğru yol xəritəsini tapmaqda çətinlik çəkirlər.

Bu həftə bir qrup veteran insan haqları və siyasi fəallar müharibə əleyhinə şura yaratmaq və səylərini Ukraynaya müdaxiləyə qarşı yönəltmək barədə razılığa gəliblər. Onlar Rusiyanı Ukraynaya qarşı müharibəyə son qoymağa çağıran açıq məktub hazırlayır və bu məktubda “müharibəni dayandırmağı [və] bütün insanların, həm ukraynalıların, həm də rusların həyatını, hüquq və azadlıqlarını müdafiə etməyi “ümumi borc” elan edəcək .”

Tezliklə nəşr olunacaq manifesti Lev Ponomaryov, Oleq Orlov və Svetlana Qannuşkina da daxil olmaqla, onlarla müxalifət korifeyi imzalayacaq.

Bu həftənin əvvəlində əlavə 9 il həbs cəzasına məhkum edilmiş Rusiya müxalifətinin lideri Aleksey Navalnı da rusları müharibə əleyhinə nümayişlərdə iştirak etməyə çağırıb.

Lakin ailəsi hakimiyyət tərəfindən təhdid edildikdən sonra İsrailə qaçan və Təl-Əvivdən Rusiya liderini devirmək üçün hərəkat yaratmağa çalışan Çernışev Amerikanın Səsinə deyib ki, daha çox şeyə ehtiyac var və onun strategiyası daha genişdir. O deyir ki, “sadəcə hakimiyyətin bir əldən digərinə ötürülməsi” Rusiyaya kömək etməyəcək.

Rusiyanın dissidentləri və hüquq müdafiəçiləri deyir ki, onlar indi kommunizmin sonundan bəri qarşılaşdıqları ən qaranlıq dövrü yaşayırlar.

Fevralın 24-də Ukraynanın işğalından sonra on minlərlə rusiyalı ölkəni tərk edib, onlar əks təqdirdə həbsxanaya düşəcəklərindən qorxublar. Onların getməsi Putinə qarşı müxalifəti daha da zəiflədəcək və kütləvi üsyanı daha da çətinləşdirəcək.

Bəziləri bunu 1920-ci ilin noyabrında təxminən 165 000 insanın Rusiyadan qaçdığı 3 gün ərzində Bəyaz Ordunun da Krımdan qaçması ilə müqayisə edib. Hazırkı köçkünlərin sayı 200 000-dən çoxdur.

Bəyaz Ordu və onun tərəfdarları bolşeviklərin döyüş meydanında qalib olması səbəbindən qaçmışdı.

İndi Rusiyada heç bir silahlı toqquşma olmasa da, məğlubiyyət hissi də geniş yayılıb.

Çernışevin rol modellərindən biri də müharibə dövründə Fransa lideri olan Şarl de Qolldur.

“Mən heç nəyi, ordusu və əsgəri olmayan de Qollun nümunəsindən çox ilhamlandım. O, fransızları müqavimət göstərməyə çağırdı. 1940-cı ildə Fransa Almaniyaya məğlub olanda de Qoll mövcud olmayan bir orduya komandanlıq etmişdi. Amma tədricən bu ordular hər şey itiriliyində meydana çıxır. Tədricən müqavimət hərəkatı formalaşmağa başlayır- deyə, o əlavə edib.

O, Putinin hakimiyyətini dəstəkləyən hakimləri və təhlükəsizlik məmurlarını hədəf almaq və onları ruhdan salmaq, onların müdafiəsiz hiss etdirmək istəyir.

llərdir aktiv Kreml tənqidçisi olan Çernışevİ hərbi xidmətdən sonra bir sıra işlərdə çalışıb. Dizayn və qrafika sənətini öyrənməzdən əvvəl mühafizəçi, sürücü və ovçular üçün bələdçi kimi çalışıb və nəticədə reklam agentliyinin yaradıcı direktoru olub. Rusiya Krımı ilhaq etdikdən sonra onun bloqu ölkədə ən çox oxunanlardan birinə çevrilib.

Digər siyasi fəallar hesab edir ki, vəziyyət Çernışevin qızışdırdığı milli müqavimət üçün uyğun deyil. Onlar deyir ki, Putin illərdir ortaya çıxan istənilən “rəngli inqilabı” yatırmağa hazırdır.

Digərləri Rusiya liderinin Ukraynaya müdaxiləsini dəstəklədiyini göstərən sorğulara işarə edir. Çernışev tənqidi rədd edir.

“Sorğu keçirən hər kəs bilir ki, küçədə müsahibə verən hər 10 nəfərdən 9-u cavab verməkdən imtina edir. İnsanlar ev telefonlarına zənglər alır və hökumətin fəaliyyətinə dəstək olub-olmadıqlarını soruşurlar. İnsanlar doğru cavab verməkdən qorxur və təbii ki, dəstəklədiklərini deyirlər. Əminəm ki, Putinin reytinqi son dərəcə aşağı səviyyədədir. Sizi səsvermənin nəticələrinə inanmamağa çağırıram” - deyə, o əlavə edib.

Çernışev hesab edir ki, Qərb sanksiyalarının gətirdiyi iqtisadi çətinliklər dərinləşərək ərzaq iğtişaşları yaradacaq.

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG