Martın 26-dan aprelin 3-dək davam edən sərgi Yun və Yun məhsullarının İxracının Təşviqi Şurası və Hindistanın Bakıdakı Səfirliyi tərəfindən təşkil olunub. Xarici ölkələrdə ardıcıl olaraq təşkil olunan bu sərgi, Hindistan sənayesinin moda, tekstil və həyat tərzi məhsullarını dünyaya tanıdılması məqsədi daşıyır. Builki sərgi "Best of India" sərgisinin səkkizinci buraxılışıdır və sərgidə özünün düyü, çay, ədviyyatlar, hədiyyələr, əl işləri, zinət əşyaları, ev mebeli kimi məhsul və xidmətlərini nümayiş etdirən Hindistanın 60-a yaxın şirkəti iştirak edib.