Accessibility links

Müstəqil Belarusun ilk lideri Stanislav Şuşkeviç 87 yaşında vəfat edib


Müstəqil Belarusun ilk lideri, Sovet İttifaqını rəsmən dağıdan sazişləri imzalayanlardan biri Stanislav Şuşkeviç 87 yaşında vəfat edib.

Onun həyat yoldaşı İrina Agence France-Presse-ə bildirib ki, Şuşkeviç çərşənbə axşamı paytaxt Minskdə dünyasını dəyişib. O, keçən ay COVID-19-a yoluxduqdan sonra reanimasiyaya yerləşdirilmişdi.
Keçmiş elektrik mühəndisi 1991-ci ilin sentyabrında, o vaxtkı Sovet prezidenti Mixail Qorbaçovu hakimiyyətdən devirmək üçün çevrilişdən bir ay sonra ölkə Sovet İttifaqından ayrılmağa səs verəndə Belarus kimi tanınan ölkənin Ali Sovetinin və ya parlamentinin müvəqqəti sədri vəzifəsini icra edirdi. Şuşkeviç sentyabrın 18-də Ali Sovetin daimi sədri seçilmişdi.

Şuşkeviç 1994-cü ilin yanvarına qədər dövlət başçısı vəzifəsində çalışıb, o vaxt parlamentin antikorrupsiya komitəsinin sədri olan Aleksandr Lukaşenko tərəfindən korrupsiyada ittiham edildikdən sonra etimad səsverməsi ilə vəzifəsindən kənarlaşdırılmışdı.

Bir neçə ay sonra Şuşkeviç Belarusda keçirilən ilk prezident seçkilərində ikinci turda böyük fərqlə qalib gələn Lukaşenkodan geri qalaraq dördüncü yeri tutmuşdu.

Şuşkeviç Lukaşenkonun və onun 1994-cü ildən hakimiyyətdə qalan avtokratik rejiminin sərt tənqidçisinə çevrilmişdi.

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG