Accessibility links

Vaşinqton İsrailə qarşı hücumu "qətiyyətlə" pisləyir


ABŞ Dövlət katibi Antoni Blinken cümə axşamı mətbuata açıqlamasında deyib ki, Birləşmiş Ştatlar İsrailin mərkəzində üç nəfərin ölümünə səbəb olan "dəhşətli" hücumu qəti şəkildə pisləyir.

"Bu, günahsız kişi və qadınları hədəf alan dəhşətli hücum idi və bu, İsrailin Müstəqillik Gününü qeyd etdiyi bir vaxt xüsusilə dəhşət doğurub.

Biz israilli dostlarımız və tərəfdaşlarımızla sıx əlaqə saxlayırıq və bu hücum qarşısında onların yanında möhkəm dayanırıq"- deyə Blinken bildirib.

Təl-Əviv yaxınlığında çoxu ultra-ortodoks yəhudi olan təxminən 50.000 insanın yaşadığı Eladda hücum nəticəsində üç nəfər ölüb, bir neçə nəfər yaralanıb. Polis vertolyotlar və yol maneələrindən istifadə edərək axtarışa başladığını, daha çox zabit və ordu hissələrinin "bir və ya iki terrorçunu" təqib etdiyini bildirib.

"ABŞ-ın milli təhlükəsizlik məsələləri üzrə müşaviri Ceyk Sallivan da ABŞ-ın hücumdan "dəhşətə düşdüyünü" deyib.

"Biz həlak olanların ailələrinə dərin hüznlə başsağlığı verir və yaralananların tam sağalmasını arzulayırıq. Həmişə olduğu kimi bu terror təhlükəsi ilə üzləşən İsrailin yanındayıq" - deyə, o, Twitter hesabında yazıb.

Keçən ay Blinken həm İsrail, həm də Fələstin səlahiyyətliləri ilə danışaraq, onları Qüdsün İsrail tərəfindən ilhaq edilmiş Köhnə şəhərdəki Əl-Əqsa məscidində kəskin eskalasiyadan sonra "zorakılıq dövrünə son qoymağa" çağırıb.

İsrail rəsmiləri bildirib ki, bir cüt fələstinli hücumçu cümə axşamı gecə bıçaqla hücuma keçib, ən azı üç nəfəri öldürüb, dörd nəfəri yaralayıb.

Polis hücum edənlərin axtarışına başlayıb, yolda maneələr qurub və helikopter göndərib. İsrailin Müstəqillik Günündə baş verən bıçaqlanma son həftələrdə İsrail şəhərlərində baş verən ölümcül hücumların sonuncusudur.

İsrail-Fələstin gərginliyi son vaxtlar İsrailə edilən hücumlar, işğal altındakı İordan çayının qərb sahilində hərbi əməliyyatlar və Qüdsün ən həssas müqəddəs məkanında zorakılıqlarla daha da artıb.

Əl-Əqsa məscidinin yerləşdiyi məkan cümə axşamı günü yeni iğtişaşlara səhnə olub.

Məscid İslam və eyni zamanda yəhudilər üçün Məbəd dağı adlanan ən müqəddəs yerdir.

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG