Accessibility links

Səudiyyə qadınları sükan arxasından avtomobil təmirinə keçir


Səudiyyə Ərəbistanındakı avtomobil təmiri qarajı yeni avtomobil ustaları üçün istifadə olunmamış mənbəyə çevrilir: cəmi dörd il əvvəl maşın sürməyə belə icazə verilməyən səudiyyəli qadınlar üçün.

Qırmızı dəniz sahilindəki Ciddədəki Petromin Ekspress qarajında yeni işə qəbul olunan qadınlar kişi həmkarları ilə birlikdə yağ və təkərləri dəyişdirirlər, bu da daha çox qadını işçi qüvvəsinə cəlb etmək üçün ümummilli səylərin bir hissəsidir.

Bununla belə, qadın kursantlar bəlkə də istər-istəməz, bütün dünyada kişilərin dominant olduğu bir sahəyə, hətta daha çox mühafizəkar müsəlman kralllıqda bir sıra maneələrlə qarşılaşıb.

Bəziləri AFP-yə deyib ki, işə başladıqları ilk aylar özünə şübhə, qohumların skeptisizmi və bəzi müştərilərin açıq düşmənçiliyi ilə üzləşib.

Qada Əhmədi deyib ki, qaraja gələn bir "ahıl" dərhal bütün qadınları çölə çıxararaq, onların avtomobilinin yanına getmələrini istəmədiyinibildirib.

"Əvvəlcə bizə inanmamaq normal idi, çünki mən qadınam və o, mənim işimə inanmır. Bu, onlar üçün yeni bir şeydir. İllərdir yalnız kişiləri görəndən sonra indi bir qadın gəlir"- deyə, o əlavə edib.

Əsasları öyrənmək üçün mübarizə apararkən Əhməd elə anlar yaşayıb ki, görəsən, belə adamların fikri nədir? Mən evə əllərim şişmiş, ağlaya-ağlaya gedirdim: "Bu iş mənim üçün deyil. Deyəsən, onların sözləri düz imiş" , o xatırlayır.

Lakin onun bacarıqları təkmilləşdikcə özünə inamı da artıb, daha həvəsləndirici müştərilər ona kömək edib.

"Bir nəfər gəlib dedi: "Mən səninlə fəxr edirəm. Bizə hörmət edirsən. Başımızın tacısan."

Qadınların hüquqlarının genişləndirilməsi vəliəhd şahzadə Məhəmməd bin Salmanın Səudiyyə Ərəbistanının radikal imicini yumşaltmaqla yanaşı, neftdən asılı iqtisadiyyatı şaxələndirmək məqsədi daşıyan 2030-cu ilə qədər Vizyon gündəmində əsas yer tutur.

Ən yüksək profilli dəyişiklik 2018-ci ildə krallığın faktiki hökmdarı Şahzadə Məhəmmədin qadınların avtomobil idarəsinə onilliklər boyu qoyulmuş qadağanın sona çatmasına nəzarət etdiyi zaman baş verib.

Ölkədə kişilərə qadın qohumları üzərində özbaşına səlahiyyət verən "qəyyumluq" adlanan qaydalar da yüngülləşdirilib. Bu addımlar Şahzadə Məhəmmədin qadın hüquqları üzrə çempion kimi reputasiyasını möhkəmləndirib.

Bununla belə, Ciddədəki qadın mexaniklər AFP-yə bildiriblər ki, onlar ərlərinin razılığı olmadan heç vaxt işə başlaya bilməzlər.

Petrominin vitse-prezidenti Tariq Cavid deyib ki, onun şirkəti "bu təşəbbüsün bütün mərhələlərdə daha çox qadını avtomobil sənayesinə qoşulmağa təşviq edəcəyinə əmindir".

Dünyaya Baxış

Dünyaya Baxış. Krımdakı vurulan Rusiya aviabazasının peyk görüntüləri yayımlanıb
please wait

No media source currently available

0:00 0:08:59 0:00
XS
SM
MD
LG