Accessibility links

Həftə sonu yüzlərlə amerikalı atəşə məruz qalıb


Filadelfiya məktəb müəllimi, Arizona ştatındn yeniyetmə və Çikaqo polis məmuru silah zorakılığını ABŞ siyasətində ön plana çıxaran amansız hücumlar dalğasının bir hissəsi olan həftə sonu güllələrə tuş gələn yüzlərlə insan arasında olub.

Silahlı hücumları izləyən Vaşinqtondakı qeyri-kommersiya təşkilatı GunViolenceArchive.org-a görə, cümə günündən bəri Birləşmiş Ştatlarda 300-dən çox silahlı hücum, 124-dən çox ölüb, 325 yaralanma faktı sənədləşdirilib.

Həftə sonu hadisələri Uvalde (Texas), Baffalo (Nyu-York) və Tulsa (Oklahoma) şəhərlərində baş verib və bu, silah sahibliyinə daha sərt məhdudiyyətlərlə bağlı milli müzakirələri yenidən alovlandırıb. Silah tərəfdarları buna qətiyyətlə qarşı çıxır.

Həftə sonu bir sıra böyük şəhər merləri zorakılığın onların icmalarına təsirindən məyus olduqlarını bildirib.

Çattanuqa meri Tim Kelli bazar günü keçirdiyi mətbuat konfransında şəhərindəki gecə klubunda hücum zamanı 2 nəfərin ölməsindən və 14 nəfərin yaralanmasından bir neçə saat sonra "Sizin qarşınızda dayanıb silahlar və cəsədlər haqqında danışmaqdan yoruldum" deyib.

"Ölkədə və burada Filadelfiyada gördüyümüz silah zorakılığının artması mənim nəinki ürəyimi sındırıb, həm də qəzəbləndirdi" - deyə, o bildirib.

Filadelfiyada şənbə günü axşam saatlarında atışma küçədə bir-birinin yanından keçərkən söz mübadiləsi aparan iki kişi arasında qarşıdurma nəticəsində yaranıb və bu, tez bir zamanda ən azı dörd silahdan istifadə edilməklə davaya çevrilib.

Bazar ertəsi silah zorakılığına cavab olaraq, Nyu-York qubernatoru Keti Hokul silahlara nəzarətlə bağlı 10 qanuna imza atıb.

İndi Nyu-York ştatı AR-15 kimi yarı-avtomat tüfəng almadan əvvəl alıcının 21 yaşında olmasını tələb edir. Əvvəllər 18 yaşlı gənclər oxşar silahlar ala bilərdi.

Bu addım kütləvi qırğın dalğasına qarşıdır.

Həftə sonu Baltimor və Çikaqo da polis məmurlarının güllələnməsinə şahid olub.

Bazar günü günortadan sonra Çikaqonun cənub bölgəsində bir polis əməkdaşı nəqliyyatın dayandırılması zamanı yaralanıb. O, son dörd gündə bölgədə açılan atəş nəticəsində yaralanan ikinci zabit olub.

Dünyaya Baxış

Dünyaya Baxış. Çin Tayvanı ilhaqı ilə bağlı hədəsini təkrarlayır
please wait

No media source currently available

0:00 0:11:34 0:00
XS
SM
MD
LG