Accessibility links

BEA xəbərdarlığı: Rusiya Avropaya qaz tədarükünü kəsə bilər


Beynəlxalq Enerji Agentliyi (IEA) xəbərdarlıq edib ki, Moskvanın Ukraynaya müdaxiləsindən sonra Qərbə qarşı təsir rıçaqlarını gücləndirmək üçün Rusiya Avropaya qaz tədarükünü tamamilə kəsə bilər. Rusiya son günlər Avropaya qaz axınını ciddi şəkildə məhdudlaşdırıb.

Kreml Avropa İttifaqının sanksiyaları səbəbindən avadanlıqların texniki xidmətinin gecikməsində, Avropa isə Kremli geosiyasət oynamaqda günahlandırır.

"Bu yaxınlarda baş verən davranışı nəzərə alsaq, mən Rusiyanın orada-burda fərqli problemlər tapmağa və Avropaya qaz tədarükünü daha da azaltmaq və bəlkə də tamamilə kəsmək üçün bəhanələr axtarmaqdaa davam etməsini istisna etmərəm" - deyə, BEA-nın icraçı direktoru Fatih Birol Reuters xəbər agentliyinə bildirib

Enerji böhranı Müstəqil Əmtəə Kəşfiyyat Xidmətinin qaz analitikasının rəhbəri Tom Marzec-Manser deyib ki, Rusiya qazının tam kəsilməsi Avropanı enerji böhranına sürükləyəcək.

"Hazırda Rusiyadan qaz tədarükü, boru kəmərlərinin tədarükü, yəni bir il əvvəlkinin sözün həqiqi mənasında dörddə bir hissəsidir. Beləliklə, həcmlər çox, çox aşağıdır və aydındır ki, bu, narahatlıq doğurur. Bu, anbarların, anbar ehtiyatlarının yenidən qurulması deməkdir. Qarşıdan gələn qışı daha çətin edəcək" - deyə, o, Amerikanın Səsinə bildirib.

Hazırda Avropanın qaz anbarları tutumun 55%-ni təşkil edir. Keçən ay Aİ noyabr ayına qədər tutumun 80%-nə çatmağı hədəflədiyini açıqlayıb.

Rusiyadan gələn boru kəməri axınının azalması Aİ-nin saxlama hədəfinə nail olub-olmayacağı ilə bağlı şübhələri artırıb.

Rusiyadan Almaniyaya qaz daşıyan "Şimal axını 1" boru kəməri gələn ay təmirə bağlanmalıdır.

Avropa liderləri Rusiya qazına alternativ tapmağa çalışırlar. ABŞ LNG idxalı kəskin şəkildə artdı, Aİ bu ay İsrail və Misirdən LNG tədarükünü artırmaq üçün müqavilə imzaladı.

Bununla belə, analitiklər Avropanın yaxın bir neçə ay ərzində Rusiya qazını əvəz etmək üçün mübarizə aparacağını deyir və soyuq qışın böhranı daha da gücləndirəcəyi barədə xəbərdarlıq edirlər.

Dünyaya Baxış

Dünyaya Baxış. Federal Təhqiqatlar Bürosu Trampın iqamətgahında axtarış aparıb
please wait

No media source currently available

0:00 0:12:42 0:00
XS
SM
MD
LG