Ukraynada dördüncü aydır davam edən münaqişə prezident Co Baydenin Amerika istehlakçıları üçün “Putinin qiymət artımı” adlandırdığı yanacaq qiymətlərində artımdan tutmuş qlobal ərzaq böhranına qədər qlobal təsirlərə malikdir. Ağ Ev hazırda əsas diqqəti müharibənin dünya miqyasında yanacaq və ərzaq qiymətlərinin artması kimi təsirlərinə yönəldib. Prezident Bayden gələn həftə Böyük Yeddilər və NATO liderlərinin sammitində, eləcə də Yaxın Şərqə səfəri zamanı müharibənin təsirlərinin aradan qaldırılması üçün addımlar atacağını deyib.