Bir il əvvəl Birləşmiş Ştatların Əfqanıstandan hərbi qüvvələrini çıxarmasının ardınca on minlərlə əfqan müttəfiqin təxliyə edilməsindən sonra ABŞ Dövlət Departamenti ciddi ərzaq qıtlığı dövründə Taliban hakimiyyəti altında yaşayan əfqanlara humanitar yardımın necə göstəriləcəyini müəyyən etmək kimi vəzifəni yerinə yetirməyə çalışır. Birləşmiş Ştatlar terrorizmlə bağlı narahatlıqlara görə Əfqanıstanın aktivlərini azad etməkdən çəkinir. ABŞ Əfqanıstanda aclıq böhranı fonunda Talibandan azad edilmiş aktivlərin terrorizmin maliyyələşdirilməsi üçün deyil, insanlara lazımi ərzaq üçün istifadə olunacağına dair qarantiya istədiyini bildirir.