Birləşmiş Ştatlar bu həftə Ukraynanın müstəqilliyinin 31 illiyi və Rusiyanın Ukraynaya qarşı hərbi müdaxiləyə başlamasının altı ayının tamam olduğu vaxt Ukraynaya təxminən 3 milyard dollar həcmində əlavə ən böyük yardım ayırdığını açıqlayıb. Prezident Bayden yeni hərbi yardım paketinin Ukraynaya uzun müddətdə özünümüdafiə məqsədilə ayrıldığını qeyd edib. Kyivdə Ukrayna prezidenti Volodimir Zelenski Müstəqillik günü münasibətilə müraciətində Ukraynanın “sonuna qədər mübarizə aparacağını və Donbas və Krım üzərində nəzarəti geri qaytaracağını” bildirib. Ukrayna Ali Radasının üzvü, Krım tatarlarının lideri Mustafa Cəmil Krımoğlu Amerikanın Səsinə müsahibədə Ukraynada son durum və Qərbin yardımı haqda danışıb.