Yunanıstan səlahiyyətliləri Evia və Andros adaları arasında gecə saatlarında Türkiyədən yola çıxan qayığın aşması nəticəsində itkin düşən onlarla miqrantın böyük axtarış-xilasetmə əməliyyatına başlayıb.
Sahil mühafizəsi çərşənbə axşamı bildirib ki, Yunanıstanın paytaxtından şərqdə yerləşən iki ada arasındakı Kafirea boğazında yaşayış olmayan qayalıq adada hamısı kişi olmaqla, 9 nəfər tapılıb. Sahil mühafizəsi patrul gəmisi tərəfindən götürülən insanların səlahiyyətlilərə yelkənli qayıq batdığı zaman onun içində cəmi 68 nəfərin olduğunu və ilkin olaraq Türkiyə sahillərində İzmirdən yola düşdüklərini bildiriblər.
Səlahiyyətlilər ilkin olaraq çərşənbə axşamı səhər saatlarında sərnişinlərdən qayıqda problem olduğunu bildirən təcili yardım çağırışı ilə xəbərdar edilsələr də, onlara yer verməyiblər.Ərazidə hava şəraiti sərt olub, güclü küləklər əsib. Sahil mühafizəsi axtarış-xilasetmə əməliyyatında bir helikopter, bir sahil mühafizə patrul gəmisi və yaxınlıqdakı iki gəminin iştirak etdiyini bildirib.
Egeyin şərqindəki Samos adasının sahillərində miqrantları daşıyan qayığın aşması nəticəsində itkin düşdüyü bildirilən səkkiz nəfər üçün ayrıca axtarış-xilasetmə əməliyyatı da bazar ertəsindən bəri davam edir.
Bazar ertəsi sağ qalan dörd nəfər xilas edilib. Səlahiyyətlilər axtarışda sahil mühafizə təyyarəsi və patrul gəmisi, yaxınlıqdakı iki gəmi və Avropa sərhəd patrul agentliyi Frontex-in bir gəmisinin iştirak etdiyini bildirib.
Afrika, Asiya və Yaxın Şərqdə münaqişə və yoxsulluqdan qaçan minlərlə insan hər il Yunanıstan vasitəsilə Avropa İttifaqına daxil olmağa çalışır.
Əksəriyyət Türkiyə sahillərindən yaxınlıqdakı Yunan adalarına qısa, lakin çox vaxt təhlükəli keçidi qayıqlarda edir. Digərləri həddindən artıq dolu yelkənli qayıqlar və yaxtalarla birbaşa İtaliyaya istiqamət alaraq Yunanıstandan yan keçməyə cəhd edir.
Bu ayın əvvəlində iki ayrı hadisədə ən azı 27 nəfər boğularaq ölüb. Birində Egeyin şərqindəki Midilli adasında Türkiyədən yola çıxan qayığın batması nəticəsində 18 nəfər ölüb, digərində isə təxminən 100 nəfəri daşıyan yaxta fırtına nəticəsində batıb, ən azı 9 nəfər həlak olub, 6 nəfər itkin düşüb.
