İndoneziyanın Bali adasında böyük 20-lərin sammitində Rusiyanın Ukraynaya qarşı təcavüzü diqqət mərkəzində olub. Qrup sammitin sonunda bəyanat yayaraq, üzvlərinin əksəriyyətinin Ukraynada müharibəni “qətiyyətlə pislədiyini” və münaqişənin qlobal iqtisadi problemləri daha da dərinləşdirdiyini vurğulayıb. NATO və Böyük Yeddilər qrupunun liderləri sammit çərçivəsində Polşanın şərqində baş verən partlayışı müzakirə etmək üçün fövqəladə iclas keçiriblər. İnsident Moskvanın Ukraynaya qarşı müharibəsində ciddi eskalasiya yaranacağı ilə bağlı qorxuların artmasına səbəb olub.