Belarusda döyüş hazırlığının gözlənilmədən yoxlanılmasına başlanılıb, bu barədə ölkənin Müdafiə Nazirliyi məlumat yayıb.
Müraciətdə qeyd edildiyi kimi, tədbirlər kompleks xarakter daşıyacaq, qoşunlar qısa müddətdə təyin olunmuş rayonlara irəliləməli, mühəndis-texniki təchizatları yerinə yetirməli, mühafizə və müdafiəni təşkil etməli, Neman və Berezina çayları üzərindən körpü keçidləri tikməli olacaqlar.
Bu müddət ərzində hərbi texnikanın və canlı qüvvənin yerdəyişməsi, müəyyən yollarda vətəndaşların və nəqliyyat vasitələrinin hərəkətinin müvəqqəti məhdudlaşdırılması nəzərdə tutulur.
Rəsmi olaraq Belarus ordusu Rusiyanın Ukraynada apardığı genişmiqyaslı müharibədə iştirak etmir, lakin Lukaşenko Rusiya qoşunlarının keçidi və müvəqqəti yerləşdirilməsi üçün Belarus ərazisini təmin edib və ölkə ərazisindən Ukraynaya zərbələr endirilir. Həmçinin Rusiya əsgərləri Belarusda müalicə olunurdu.
2022-ci il oktyabrın 10-da elan olundu ki, Kreml və Minsk "Birlik dövlətinin qərb sərhədlərində vəziyyətin gərginləşməsi ilə əlaqədar" Belarusda birgə qoşunlar qrupunun yerləşdirilməsi barədə razılığa gəliblər. Bildirilib ki, Rusiyadan Belarusa 170-ə yaxın tank, 200-dək döyüş maşını və 100-ə qədər silah və minaatan, həmçinin Rusiya ordusunun ən azı 9 min hərbçisi göndəriləcək.
Ukrayna da öz növbəsində Belarusla sərhəddə tikanlı məftillərlə dəmir-beton hasar çəkir. Ukrayna prezidentinin aparatının rəhbərinin müavini Kirilo Timoşenko daha sonra bildirib ki, Ukrayna hakimiyyəti “düşmənin hipotetik irəliləyişini belə dayandırmaq” üçün hər şey edir.